Inilabas na ng Philippine Postal Corporation (PHLPost )ang disenyo ng kanilang Christmas stamps.
Ayon sa PHLPost, ang inilabas nilang Christmas stamps ay magpapaalala ng pagbubuklod ng pamilyang Pilipino sa gitna ng nagpapatuloy na masamang epekto ng pandemya.
Ang pagbubuklod anila ng miyembro ng pamilya ay mahalaga para mas lalo pang lumakas ang pag-asa ng bawat isa.
Mababatid ayon sa PHLpost na bagamat puno ng hamon ang taong 2020 dahil sa iba’t-ibang umuusbong na problema, tiyak naman daw na makikita rin ang liwanag at hangganan sa mga ito.
