Maituturing na insulto para sa mga nominado sa pagka PNP Chief ang pahayag ni Pangulong Rodrigo Duterte na siya na lamang ang siyang mamumuno sa PNP.
Ayon kay Act Partylist Rep. France Castro, pagpapakita lamang ito na mismong si Pangulong Duterte ay walang tiwala sa police force.
Babala ni Castro, posibleng magdulot ito ng demoralisasyon sa hanay ng pulisya.
Samantala, nagbabala naman sina Bayan Muna Rep. Ferdinand Gaite at Eufemia Cullamat na posibleng mas marami pang maganap na patayan at pag atake sa mga bumabatikos sa gobyerno.
Matatandaang ipinayahag ito ng pangulo matapos niyang sabihin na wala siyang mapili sa mga pangalan na kasama sa shortlist.
