Hinimok ng pamunuan ng Manila North Cemetery ang publiko na dumalaw na ng maaga sa kanilang mga namayapang mahal sa buhay.
Ayon kay Daniel Tan, Director ng Manila North Cemetery, bukas ang libingan 24 oras mula October 30 hanggang November 2.
Ipinaalala rin sa DWIZ ni Tan ang mga bawal sa pagpasok sa naturang libingan tulad ng mga matatalim na bagay, alak, malalakas na stereo at maging mga hayop.
“Sana dumalaw na sila ng maaga at huwag ng sumabay sa dami ng mga tao, lalo na ang may edad na at may kapansanan.”
By: Judith Larino
