Lumabag ang pamunuan ng Resorts World Manila sa inisyung kautusan ng PAGCOR nitong nakalipas na May 24.
Sa pagdinig ng House Committees on Games and Amusement, Tourism at Public Order and Safety, sinabi ni PAGCOR Chair Andrea Domingo na hindi sinunod ng Resorts World ang security advisory nila sa lahat ng casino operator na magdagdag ng precautionary measure matapos ang pag-atake sa Marawi City.
Ayon kay Domingo, malinaw na nagkaroon ng kapabayaan sa security sa main entrance ng hotel – casino at maging sa parking entrance nito kung saan pumasok ang suspek na si Jessie Carlos.
Muling ipinabatid ni Domingo na ilalabas nila sa Biyernes ang iba pang nakita nilang paglabag ng Resorts World base na rin sa pag-aaral ng kanilang legal division.
Kasabay nito, ipinabatid ni domingo na kinukunsidera nilang ipasumite sa casino operators ang kanilang security at fire plan bago mabigyan ng go signal na makapag operate.
By Judith Estrada – Larino
