Humihiling ng panalangin si Batanes Bishop Danilo Ulep para sa naapektuhan ng magkasunod na lindol sa lalawigan partikular na sa Itbayat kung saan 8 ang kumpirmadong nasawi.
Ayon kay Bishop Ulep, patuloy ang kanilang paghahanap ng paraan para mapuntahan ang Isla ng Itbayat at mabantayan ang sitwasyon doon.
Umaasa din ang obispo na makapagpapadala na ng Rescue Mission ang pamahalaan at militar sa itbayat lalu’t pahirapan aniya ang pagpunta sa Isla.
Panalangin ni Bishop Ulep na nawa’y patuloy na pagkalooban ng lakas at katatagan ng panginoon ang mga taga Batanes sa gitna ng naranasang pagsubok, higit sa lahat aniya ang pamilya ng mga nasawi sa lindol.
