Makatutulong sa kandidatura ni 8-Division World Champion at Sarangani Representative Manny Pacquiao ang panalo nito kontra kay Timothy Bradley kahapon.
Sa pananaw ng sports analyst na si Ronnie Nathanielsz, ang panalo kay Pacquiao ay posibleng makapagbigay kay Pacquiao ng pwesto sa senado.
Pero kung natalo naman aniya si Pacquiao kay Bradley kahapon, tiyak anyang namemeligro ang kandidatura ng pambansang kamao.
Bahagi ng panayam kay Sports Analyst Ronnie Nathannielsz
“He should retire”
Nararapat lamang na mag-retiro na si Manny Pacquiao.
Ito ang pananaw ng Sports Analyst na si Ronnie Nathanielsz matapos ang matagumpay na laban ni Pacquiao kontra kay Timothy Bradley kahapon.
Ayon kay Nathanielsz, wala nang saysay pang lumaban si Pacquiao lalo na kung hindi naman si Floyd Mayweather Junior ang makakalaban nito.
Naniniwala si Nathanielsz na narating na ni Pacquiao ang rurok ng kanyang karera sa boksing kayat mainam na tapusin nito ang kanyang boxing career sa isang magandang panalo.
Inamin ni Nathanielsz hindi na ganoon kalakas at kabilis ang Pambansang Kamao kung ikukumpara sa mga nakaraang laban nito.
Bahagi ng pahayag ni Sports Analyst Ronnie Nathanielsz
Sa kabuuan, pinapurihan ni nathanielsz ang magandang performance ni Pacquiao kontra Bradley.
Bahagi ng pahayag ni Sports Analyst Ronnie Nathanielsz
By Ralph Obina | Ratsada Balita
Photo Credit: Reuters
