Iimbestigahan ng National Task Force Against COVID-19 (NTF) ang umano’y pananabotahe sa vaccination drive sa Metro Manila.
Ayon kay NTF Deputy Chief Implementer Vince Dizon, ilang indibidwal ang nagpakalat ng maling impormasyon na hindi umano makakatanggap ng ayuda ang mga hindi pa nababakunahan.
Meron din aniya silang natanggap na hindi pa beripikadong ulat kung saan mayroon daw masasamang elemento na nanadyang manabotahe ng mga vaccination site lalo na sa mga malls sa Las Piñas, Antipolo, Maynila at iba pang lugar.
Katuwang umano ang DILG iimbestigahan ito ng National Task Force sa pamumuno ni Secretary Carlito Galvez.
