Pagkakasangkot sa iligal na droga.
Ito ang isa sa pangunahing tinitignang anggulo ng Philipppine National Police (PNP) sa insidente ng pananambang kay Daanbantayan Cebu Mayor Vicente Loot.
Ayon kay PNP Chief Director General Oscar Albayalde, nagsasagawa na sila ng malimang imbestigasyon sa insidente.
Gayunman hindi pa aniya nakukuhanan ng buong salayasay si Loot.
Samantala, idinepensa naman ni Albayalde ang binanggit ni Loot na nakadududang walang mga pulis sa bahagi ng pantalan kung saan nangyari ang pananambang.
Paliwanag ni Albayalde, karaniwang nasa ilalim ng pangangasiwa ng Philippine Coast Guard ang mga pantalan at meron lamang police assistance desk na pinopostehan nang nasa dalawang pulis.
