Welcome sa Malakanyang ang resulta ng pinaka-bagong Social Weather Stations survey na nagpapakitang napanatili ng gabinete ni Pangulong Rodrigo Duterte ang “good” public satisfaction rating.
Ayon kay Presidential Spokesman Salvador Panelo, ang naturang survey ay isang inspirasyon para sa kanila na pagbutihin ang trabaho at pagbibigay ng maayos na serbisyo sa publiko.
Susulitin anya nila ang nalalabing tatlong taon ng Duterte administration upang tuparin ang mga ipinangako ng pangulo na pagbabago sa lipunan.
Hinimok naman ni Panelo ang mga mamamayan na isantabi ang pagkakaiba at lumikha ng kapayapaan na magdadala sa bansa patungo sa kaunlaran.
