Tutol naman si Senate Minority Leader Franklin Drilon sa panawagang i-recall ng Pilipinas sa Kuwait si Ambassador Rene Pedro Villa.
Ito’y makaraang masamain ng Kuwaiti Government ang naging hakbang ni Villa hinggil sa pagsagip nila sa mga distressed OFW’S sa nasabing bansa.
Ayon kay Drilon, ginagawa lamang ni Villa ang kanilang trabaho na protektahan ang interes ng Pilipinas gayundin ay para tiyaking ligtas ang lahat ng mga Pilipino ruon.
Kasunod nito, sinabi ni Drilon na hindi na siya nagulat pa sa inihaing protesta ng Kuwaiti Government laban sa Pilipinas subalit makabubuti kung idaraan na lamang ito sa paliwanagan.
