Nagkaayos na sina Presidential Spokesman Salvador Panelo at Supreme Court Senior Associate Justice Antonio Carpio.
Ito’y matapos magpalitan ng maaanghang na salita ang dalawa kaugnay sa $62 million loan ng Pilipinas sa China para sa Chico River irrigation project.
Makikita sa larawang ibinahagi ni Panelo sa malakanyang press corps na nakangiting magkasama ang dalawa sa Integrated Bar of the Philippines (IBP) National Convention na ginanap ngayong araw sa Iloilo City.
Ayon kay Panelo, magka-“brod” sila ni Carpio sa fraternity sa Sigma Rho sa University of the Philippines (UP) Law.
Samantala, magugunitang tinawag ni Panelo na unpatriotic si Carpio dahil sa paghahanap nito ng butas sa naturang loan agreement.
