Tiniyak mismo ng Pangulong Noynoy Aquino na walang banta ng terorismo sa bansa.
Ito ay sa kabila ng nangyaring pambobomba sa Jakarta Indonesia na ikinasawi ng 7 katao.
Ayon sa Pangulo, batay sa mga nakuhang impormasyon ay wala naman aniyang namo-monitor na banta ng pag-atake ang PNP at AFP.
Gayunman, tiniyak ng Pangulo na patuloy ang intelligence gathering ng mga otoridad at pagbabantay laban sa mga nagnanais maghasik ng karahasan.
Una rito, naka-heightened alert na ang AFP at PNP kasunod ng nangyaring pambobomba sa Indonesia.
By Ralph Obina
