Pinapayagan na ng Department of Health (DOH) ang pangangaroling ng mga bata ngayong pasko.
Ayon kay Health Director Dr. Beverly Ho, kailangan lamang siguruhin na lahat ng mga batang mamamasko ay bakunado at dapat palaging suot ang facemask.
Ito’y para aniya maiwasan ang pagkalat ng virus at pagkahawa sa mga makakasalamuha nito.
Bukod dito, papayagan din ng kagawaran ang pagsasagawa ng street party.
Sinabi ni Ho na dapat lamang limitahan ang bilang ng taong i-aaccommodate upang hindi malabag ang ipinatutupad na health protocols sa mga lugar.
