Nais malaman ni Pangulong Rodrigo Duterte ang kalagayan ng mga babaeng binihag ng Maute Terror Group sa Marawi City.
Ito’y ayon sa Pangulo kaya’t interesado siyang makaharap ang nakalayang bihag na si Fr. Teresito “Chito” Suganob kasunod ng impormasyong araw-araw aniyang ginagahasa ang mga babaeng bihag.
Binigyang diin ng Pangulo na nakaririmarim na kahalayan at malinaw na paglabag sa karapatan ng isang tao ang ginagawang iyon ng mga terorista sa mga babae lalo pa’t mga Muslim ang karamihan sa mga iyon.
Kasunod nito, nilinaw ng Pangulo na hindi nakatakas si Fr. Suganob kung hindi nailigtas ng mga miyembro ng special forces ng militar mula sa kamay ng mga terorista.
SMW: RPE
