Babawi ng tulog si Pangulong Rodrigo Duterte pagtapos ng kanyang pulong mamayang hapon kay Chinese Premier Li Keqiang.
Ayon sa Pangulo, matapos ang mga aktibidad ngayong araw ay uuwi na siya ng Davao at doon na magpapahinga.
Inamin ng Pangulo nahirapan siya sa ilang gabing puyatan sa katatapos na 31st ASEAN Summit.
Ito ay dahil sa mga magkakasunod na schedule ng mga summit at bilateral meeting.
Sinabi ng Pangulo na nasa 16 hanggang 17 oras siyang gising at nakikipagpulong bawat araw at dalawa hanggang tatlong oras lamang ang kanyang tulog.
Matatandaang bago ang hosting ng 31st ASEAN Summit ay galing pa ang Pangulo sa APEC Summit sa Vietnam.
—-
