Tila nagpahayag na ng pagtutol si Pangulong Rodrigo Duterte sa panukalang batas ukol sa “divorce” na isinusulong ngayon ng kaalyado niya na si House Speaker Pantaleon Alvarez.
Ayon kay Pangulong Duterte, hindi umano niya susuportahan ang naturang panukala dahil hindi pabor dito ang kanyang anak na si Davao City Mayor Sara Duterte.
Biniro pa ng Pangulo ang House Speaker sa pagsabing dapat si Mayor Sara ang kausapin nito hinggil sa naturang panukala.
Matatandaang nagkaroon ng di pagkakasunduan sina Mayor Sara at Alvarez matapos na magtayo ang nakababatang Duterte ng political party na “Hugpong ng Pagbabago.”
Una nang ipinasa ng Kamara sa ikatlo at huling pagbasa ang House Bill 7303 o ang “Act Instituting Absolute Divorce and Dissolution of Marriage in the Philippines.”
—-
