Personal na nakiramay si Pangulong Rodrigo Duterte sa pagpanaw ng anak ni Chief Presidential Legal Counsel Salvador Panelo.
Hatinggabi kanina nang dumating ang Pangulong Duterte sa Cosmopolitan Memorial Chapel sa Araneta Avenue sa Quezon City.
Ang pakikipaglamay ng Pangulo ay tumagal ng halos dalawang oras kung saan ito ay naging pribado at hindi rin pinayagan ang media sa loob ng pasilidad.
Alas-2:00 ng madaling araw ng lisanin ng Pangulo ang Cosmopolitan Memorial Chapel.
Matatandaang pumanaw kahapon sa edad na 27 ang anak ni Panelo na si Salvador Panelo III na may down syndrome.
By Ralph Obina
