Sinamantala na ni Pangulong Benigno Aquino ang mahigit 20 araw sa puwesto para magpaalam at magpasalamat.
Kahapon, dumalo ang pangulo sa ika-118 anibersaryo ng Philippine Navy sa Manila South Harbor.
Ito’y para isailalim sa commissioning ang pinakamalaking barko ng Pilipinas na BRP Tarlac at tatlong iba pa.
Sa kanyang talumpati, sinabi ng Pangulo na isang karangalan ang mapaglingkuran at mapamunuan ang Armed Forces of the Philippines (AFP).
Ayon sa Pangulo, hindi niya malilimutan ang panahon kung kailan tumindig ang sandatahang lakas upang ipamalas aang hindi matatawarang serbisyo at malasakit sa kapwa at bayan.
By Jaymark Dagala
Photo Credit govph
