Nagkaroon umano ng pagpupulong sa pagitan nila Pangulong Rodrigo Duterte at dating Defense Secretary Gilberto “Gibo” Teodoro sa Malakanyang ngayong Miyerkules.
Nangyari ito kasunod ng official turn-over at paglalagda sa deed of donation ng AFP o Armed Forces of the Philippines at ng asawa ni Teodoro na si Monica Prieto sa Palasyo.
Gayunman, walang pahayag mula sa mga opisyal ng Malakanyang hinggil sa mga nilalaman o paksa ng pag-uusap nila Teodoro at ni Pangulong Duterte.
Magugunitang unang inalok ng Pangulo si Teodoro para ibalik sa posisyon ng Defense Secretary ngunit tinanggihan ito kaya’t itinalaga sa naturang posisyon si Defense Secretary Delfin Lorenzana.
