Muling nag-krus ang landas nina Pangulong Rodrigo Duterte at Vice President Leni Robredo, halos isang araw lamang matapos siyang sabihan ng Pangulo na nagmamadali itong palitan siya sa puwesto.
Maliban sa muling pagkikita, magkatabi pa ng upuan ang Pangulo at Pangalawang Pangulo sa graduation ceremony para sa Masidlak Class ng PNPA o Philippine National Police Academy sa Silang, Cavite.
Matatandaan na bagamat nagkita ang Pangulo at Pangalawang Pangulo sa graduation ng Philippine Military Academy, nasa pagitan naman nila si Defense Secretary Delfin Lorenzana nang maupo sila sa stage.
Sa report ng DWIZ patrol, nag-usap pa sandali sina Duterte at Robredo bago nagsimula ang programa.
Sa orihinal na seating arrangement, dapat ay nasa pagitan nina Duterte at Robredo si DILG Secretary Mike Sueno.
By Len Aguirre | Jonathan Andal (Patrol 31)
