Posibleng magpatupad si Pangulong Rodrigo Duterte ng balasahan sa kanyang gabinete.
Ayon kay Presidential Spokesman Harry Roque, hindi masaya ang pangulo sa performance ng ilan sa kanyang mga cabinet secretaries kaya posibleng mapalitan ang ilan dito.
Hindi man tinukoy ng pangulo kung sino – sino ngunit sinabi nitong desidido siyang sibakin ang mga underperformer niyang mga kalihim.
Matatandaang nitong linggo ay nagpahayag ng pagkadismaya ang pangulo sa naging desisyon ng DOJ prosecutors na nagbasura ng kaso laban sa ilang mga high profile druglords ngunit sa huli ay nanindigang pinagkakatiwalaan pa rin si DOJ Sec. Vitaliano Aguirre.
