Hinimok ni Bayan Muna Partylist Rep. Carlos Zarate si Pangulong Rodrigo Duterte na isailalim sa lifestyle check ang lahat ng board members at officers ng Social Security System.
Ito, ayon kay Zarate, ay upang mabatid kung sino ang mga nagsasamantala sa kanilang posisyon upang magpayaman.
Dapat anyang maisip ng mga opisyal ng SSS na nasa posisyon sila upang pagsilbihan ang taumbayan lalo ang mga miyembro ng SSS.
Iginiit ni Zarate na hindi naman na dapat magpayaman ang mga SSS official at board member dahil kung tutuusin ay naglalakihan ang kanilang suweldo at bonus.
Magugunitang apat na SSS officers ang iniimbestigahan dahil umano sa conflict of interest makaraang bumili ng shares of stock para sa kanilang sarili.
