Hindi napigilang ibulalas ni Pangulong Rodrigo Duterte kay Russian president Vladimir Putin ang galit nito sa ilang western countries kabilang na ang Estados Unidos.
Ito’y kasabay ng naging bilateral meeting ng Pangulong Duterte sa Russian president sa sidelines ng Asia Pacific Economic Cooperation o APEC summit sa Lima, Peru.
Ayon sa pangulo, masyadong ipokrito ang mga maka-kanluraning bansa kaya’t hindi nagtagal ang pakibang ng Pilipinas sa pakikipag-alyansa nito sa kanila dahil sa ginagawang pambubully sa mga maliliit na bansa.
Tila isinusubo rin ayon sa pangulo ng mga aniya’y western allies ang Pilipinas sa digmaan dahil sa paghahamon nito ngunit, ayaw namang sumipot sa mismong bakbakan.
By Jaymark Dagala
