Dinagsa ng mga Overseas Filipino Workers (OFW’s) ang Pangulong Rodrigo Duterte sa kanyang pagdating sa Vietnam para sa kanyang 2-day official visit
Dumating ang Pangulo lulan ng eroplano ng Philippine Airlines sa Noi Bai International Airport eksakto 3:48 ng hapon kahapon.
Karamihan sa mga nag-abang sa Pangulo ay nag-leave pa sa kanilang trabaho para lamang makita ng personal ang Pangulong Duterte.
Marami ring Pinoy ang bumiyahe pa mula sa Ho Chi Minh City kasama ang kanilang mga anak.
Tinatayang 3,800 mga Pilipino ang nagtatrabaho at naninirahan sa Vietnam.
Filipino community in Vietnam
Hindi natatakot ang Pangulong Rodrigo Duterte sa pagbagsak ng credit rating ng Pilipinas.
Sa kanyang pagharap sa Filipino community sa Vietnam, sinabi ng Pangulo na Amerika ang nasa likod ng palabas na ito dahil kayang kaya nitong imanipula ang ekonomiya ng maliliit na bansa tulad ng Pilipinas.
Bahagi ng pahayag ni Pangulong Rodrigo Duterte
Kasunod nito, ipinagmalaki ni Duterte ang kanyang planong pagbisita sa China at Russia upang buksan ang mas maraming oportunidad.
Bahagi ng pahayag ni Pangulong Rodrigo Duterte
By Rianne Briones
