Binalaan ni Pangulong Rodrigo Duterte ang mga Moro na huwag tatangkaing ulitin ang nangyari sa Marawi City.
Ayon sa Pangulo, ayaw niya ng away at gulo kayat dapat aniyang makipagtulungan sa pamahalaan ang mga Muslim at iba pang naninirahan sa Mindanao.
Sinabi pa ng Pangulo na malapit nang matapos ang kaguluhan sa Marawi kaya’t naghahanap na aniya ang pamahalaan ng malaking halaga para sa rehabilitasyon sa Marawi.
Kasabay nito, tiniyak ng Pangulo na hindi pababayaan ng pamahalaan ang mga taga-Marawi at ibabangon ang mga ito.
By Ralph Obina | ulat ni Aileen Taliping (Patrol 23)
