Simple lamang ang New Year’s resolution ni Pangulong Rodrigo Duterte sa pagpasok ng taong 2017.
Sa panayam ng CNN Philippines, sinabi ng Pangulo na wala na siyang hahangarin pa para sa kanyang sarili.
Kaya’t nais niyang gawing hamon sa pagpasok ng Bagong Taon ang isang progresibong Pilipinas para sa mga Pilipino.
War on drugs
Samantala, kinalma naman ng Pangulo ang publiko na naaalarma na sa masidhing kampanya ng pamahalaan kontra iligal na droga.
Sa isang panayam sa Pangulo, hiningi nito ang tiwala ng publiko hinggil sa mga peligrong posibleng kaharapin nito sa pagnanais na mawalis ng tuluyan ang droga at krimen sa bansa.
Giit pa ng Pangulo na wala siyang personal na pakinabang sa kampanya kontra droga dahil mas hangad niya ang kaligtasan at kinabukasan ng mga kabataan.
Kasunod nito, inamin din ng Pangulo na hindi sapat ang pangako niyang anim na buwan hanggang isang taon upang sugpuin ang droga dahil sa dami ng mga sangkot gayundin sa lawak ng operasyon nito.
By Jaymark Dagala
