“Hanapin nyo at barilin ninyo ako”.
Ito ang tahasang ipinahayag ng Pangulong Rodrigo Duterte sa mga sundalo sakaling hindi nya matupad ang pangakong dagdag sweldo sa hukbong sandatahan pagsapit ng Enero sa susunod na taon.
Ayon sa Pangulong Duterte , batid niya na mas magiging mahirap ang gagampanang tungkulin ng mga sundalo dahil pinaigting pa ng pamahalaan ang kampanya nito laban sa NPA o New Peoples Army.
Dagdag pa ng Pangulo , maliban sa dobleng sweldo ay makatatanggap din ng Christmas Bonus ang mga sundalo.
Magugunitang sa pag-upo pa lamang ng Pangulong Duterte sa kanyang pwesto ay kanya nang ipinangako na gagawin ang lahat para maitaas ang sweldo at madagdagan ang benepisyo ng mga tauhan ng militar.
