Muling ipinagtanggol ni Pangulong Rodrigo Duterte ang magkapatid na sina Ilocos Norte Governor Imee Marcos at dating Senador Bongbong Marcos mula sa kritiko ng mga ito.
Giit ng Pangulo, wala pang muwang ang mga anak ni dating Pangulong Ferdinand Marcos nang pairalin nito ang Batas Militar sa Pilipinas.
Ito aniya ang dahilan kaya’t hindi aniya tamang isisi sa mga nakababatang Marcos ang nagawa ng kanilang diktador na ama.
Matatandaang kilala ang Pangulong Duterte na malapit sa pamilya Marcos kung saan ang ama nito ay nagsilbi sa gabinete ng yumaong Pangulo.
Maliban dito, sa ilalim din ng kasalukuyang administrasyon napayagan ang pagpapalibing kay dating Pangulong Marcos sa Libingan ng mga Bayani.
—-
