Wala pang kumpirmasyon ang Malakaniyang sa magiging aktibidad ni Pangulong Rodrigo Duterte ngayong araw ng Huwebes.
Ito’y makaraang magpasya ang Pangulo na umuwi muna sa tahanan nito sa Davao makaraang kanselahin ang mga nakalinya nitong aktibidad kahapon.
Gayunman, muling iginiit ni Presidential Spokesman Ernesto Abella na walang sakit ang Pangulo at nagpahinga lamang ito bunsod ng matinding pagod .
Magugunitang personal na nag-ikot si Pangulong Duterte sa mga kampo militar para tingnan ang kalagayan ng mga sundalo at pulis na nasugatan sa bakbakan sa Marawi City.
Sinalubong din ng Pangulo ang pagdating ng mga nasawing sundalo sa Villamor Airbase sa Pasay City nuong gabi bago ang araw ng kalayaan nuong Hunyo 12.
By: Jaymark Dagala / Aileen Taliping
