Nagsagawa ng Aerial Inspection si Pangulong Rodrigo Duterte kasama si Senator Christopher “Bong” Go noong sabado sa Dinagat Island na isa sa naapektuhan ng Bagyong Odette.
Sa Facebook post ni Senator Go, ibinahagi niya ang larawan ng Pangulo sakay ng isang aircraft habang iniinspeksiyon ang mga lugar na pinaka apektado ng bagyo.
Bukod sa nasabing lugar, nagkasa din ng inspeksiyon si Pangulong Duterte sa bahagi ng Surigao City at Maasin City, Southern Leyte.
Samantala, kahapon naman ay personal na binisita ng Pangulo ang probinsya ng Bohol at Cebu upang alamin ang kalagayan ng mga residente.
Nagkasa din ng Aerial Inspection si Duterte at inalam ang pangangailangan ng mga apektadong pamilya sa lugar.
Dahil dito, siniguro ng Pangulo ang pagtugon sa rescue at relief operations para sa mga residente. —sa panulat ni Angelica Doctolero
