Nakukulangan si Pangulong Rodrigo Duterte sa pumasang death penalty bill sa Kamara.
Sinabi ni House Speaker Pantaleon Alvarez, una nang kinuwestyun ng Pangulo kung bakit hindi kabilang ang panggagahasa at pandarambong sa death penalty bill.
Dahil dito, tiniyak ni Alvarez na maisasama rin ang iba pang karumal-dumal na krimen na maparurusahan ng kamatayan.
Gayunpaman, ikinalugod umano ng Pangulo ang pagkakapasa ng death penalty bill sa ikatlo at huling pagbasa sa Kamara.
By Avee Devierte
