Inihayag ni PDP-Laban President at Energy Secretary Alfonso Cusi na hinihikayat ng partido si Pangulong Rodrigo Duterte na tumakbong Senador sa eleksyon sa susunod na taon.
Ayon kay Cusi, maisusulong ng Pangulo ang mga reporma na nais ng PDP-Laban sa lehislatura kung tatakbo itong Senador pagkatapos ng kanyang termino.
Sinabi pa ng kalihim na kung tatakbong Senador si Duterte ay ito na rin ang magsisilbing campaign manager nina Senador Ronald “Bato” Dela Rosa at Christopher “Bong” Go, na tumatakbong Presidential at Vice Presidential bets ng partido.
Tiwala si Cusi na malaki ang tiyansa na Manalo si Go at Dela Rosa kung maikakampanya ni Duterte.—sa panulat ni Hya Ludivico
