Dumistansiya si Pangulong Rodrigo Duterte sa mga pagsusulong ng ilan sa kanyang mga supporters sa revolutionary government.
Ayon kay Pangulong Duterte, wala siyang pakialam sa naglalabasang usapin hinggil dito dahil hindi aniya ito bahagi ng kanyang trabaho.
Itinanggi rin ng pangulo na meron siyang kakilala sa Mayor Rodrigo Roa Duterte – National Executive Coordinating Committee, ang grupong nagsusulong sa revolutionary government.
Una na ring sinabi ni Presidential Spokesperson Harry Roque na hindi susuportahan ng pamahalaan ang revolutionary government lalu’t nakatutok sila sa pagtugon sa epekto ng coronavirus disease 2019 (COVID-19) pandemic.
