Sang-ayon si Pangulong Rodrigo Duterte na sa ospital na lamang mag-suot ng face shield.
Ito ang inihayag ni Senate President Vicente Sotto III sa kaniyang Twitter post.
Tinawagang pansin pa ni Sotto ang Department of Health (DOH) sa kaniyang naturang post.
Samantala, hindi pa kinukumpirma ng malakaniyang ang naturang pahayag ni sotto.
Kaugnay nito, sinabi ni Cabinet Secretary Karlo Nograles na pag-uusapan nila ang bagay na ito mamaya sa pulong ng IATF at sakaling magkaroon ng bagong panuntunan ay agad nila itong ilalabas.
Una rito, may mga grupo at indibidwal nang nagsusulong na payagan na ang hindi pagsusuot ng face shield sa pampublikong lugar.
