Sopresang binisita ni Pangulong Rodrigo Duterte ang isang barangay sa Davao City kahapon ng alas-5:00 ng umaga.
Batay ito sa Facebook post ni Special Assistant to the President Christopher Bong Go kung saan makikita ang larawan ng Pangulo kasama ang ilang mga residente na Barangay Bucana.
Ayon kay Go, nakipagkuwentuhan at nagbigay ng tulong pinansyal si Pangulong Duterte sa ilang mga residente ng nasabing barangay sa Davao City na karamihan ay binubuo ng mga informal settlers.
Gayunman sinabi ni Go na hindi na bago ang nasabing mga sorpresang pagbisita ng Pangulo sa mga barangay sa Davao City.
Aniya sa loob ng dalawampung (20) taon na panunungkulan ng Pangulo sa pamahalaan ay madalas na itong mag-ikot sa mga barangay sa Davao City para makipag-kuwentuhan, magbigay ng tulong at makipaghalubilo sa mga tao.
—-
