Nagpahayag ng suporta si Pangulong Rodrigo Duterte sa isinusulong na River Basin sa Bicol.
Sinasabing nabanggit ni Presidential Adviser for Bicol Affairs Marvel Clavecilla ang naudlot na proyekto dahil sa kakulangan ng pondo at social impact sa mga nakatira sa lugar.
Pinaniniwalaang makatutulong ang Bicol River Basin upang maibsan ang posibilidad nang pagkakaroon ng matinding pagbaha lalo pa’t mapapalawak nito ang kapasidad ng mga ilog at lawa.
Paliwanag naman ng Pangulong Duterte, dapat makumbinsi ang mga mamamayan na nakatira sa lugar na lumipat sa mas ligtas na komunidad dahil para rin naman ito sa kapakanan ng nakararami.
