Pinamamadali na ni Pangulong Rodrigo Duterte sa iba’t ibang ahensya ng pamahalaan ang pagbibigay ng ayuda sa mga naapektuhan ng lindol sa lalawigan ng Batangas
Bago tumulak patungong middle east, inamin ng Pangulo na nakahinga siya ng maluwag dahil walang nagbuwis ng buhay dahil sa pangyayari
Pagtitiyak pa ng Pangulo, kontrolado ng gubyerno ang sitwasyon at patunay na rito ang mabilisang paglalarga ng relief operations upang maibalik sa normal ang sitwasyon sa mga apektadong lugar
Magugunitang nagdeklara ng State of Calamity ang bayan ng Mabini at Tingloy na nakaranas ng malalakas na pagyanig na ikinasira ng ilang kabahayan, gusali at nagdulot pa ng landslide
Pakingan: Bahagi ng pahayag ni Pangulong Duterte
By: Jaymark Dagala / Aileen Taliping
