Wala pang nakikitang dahilan si Pangulong Rodrigo Duterte para magdeklara ng revolutionary government.
Ito mismo ang inihayag ng Pangulo sa isang video sa Facebook page ni PCOO Assistant Secretary Mocha Uson.
Ayon kay Pangulong Duterte nais niyang sundin ang konstitution bilang isang abogado ngunit sa oras na makita niyang bumabagsak na ang bansa ay posible siyang magdeklara ng Rev Gov.
Gayunman, umaasa ang Pangulo na hindi darating ang panahon na mapilitan syang gawin iyon.
Samantala, nagsagawa naman ang mga taga suporta ng Pangulo sa Mendiola upang ipanawagan na ideklara na ang Revolutionary Government.
