Napatunayan umanong tama at may batayan ang alegasyon ni Senador Antonio Trillanes na may daan-daang Milyong Pisong bank accounts si Pangulong Rodrigo Duterte.
Ito ang inihayag ni Trillanes makaraang kumpirhamin ng Office of the Ombudsman na iniimbestigahan na ang mga bank transaction ng Pangulo maging ng pamilya nito lalo’t may hawak na silang mga dokumento mula sa Anti-Money Laundering Council.
Iginiit ng Senador na bagaman may “immunity from suit” ang Pangulo, wala naman itong “immunity from investigation.”
Anuman anya ang maging findings ng Tanodbayan ay maaari itong maging batayan upang sampahan ng impeachment ang Pangulo o gamitin sa paghahain ng plunder case sa sandaling bumaba ito sa pwesto.
