Walang nagbabadya o matinding banta sa buhay ni Pangulong Rodrigo Duterte.
Ito’y ayon kay Presidential Security Group (PSG) Spokesperson Captain Zeerah Lucrecia kung saan tanging mga banta mula sa mga terorista at mga illegal drug groups ang posibleng matanggap ng pangulo.
Ito aniya ay dahil na rin sa kontrobersyal na kampanya ng gobyerno laban sa mga umano’y sangkot sa iligal na droga.
Gayunman ay hindi pa rin anya nila ipinagwawalang-bahala ang naging pahayag ni Pangulong Duterte hinggil sa nais umanong pumatay sa kanya.
Samantala, pinalawig na rin ng PSG ang kanilang proteksyon hanggang sa pamilya ng pangulo.
