Nauunawaan umano ni Pangulong Rodrigo Duterte ang pagkaantala ng pagdating ng bakuna kontra COVID-19 sa bansa.
Ito’y ayon kay Cabinet Secretary Karlo Alexi Nograles kaya aniya wala namang sinisisi ang Pangulo hinggil dito.
Ani Nograles alam ng Pangulo na nasa manufacturers ang responsibilidad ng shipping ng mga bakuna at paghihintay lamang kung kailan ito darating ang pinakamagagawa ng isang bansa.
Dagdag pa ni Nograles, ginawa naman ng pamahalaan ang lahat ng hakbang para maisumite ang kinakailangang mga rekesito.
