Dumalo si Pangulong Ferdinand “Bongbong” Marcos Jr. sa pagdiriwang ng ika-50 kaarawan ni Senador Sonny Angara nitong Sabado sa Manila Polo Club.
Sa isang video na ibinahagi ni Cavite Representative Lani Mercado-Revilla sa Facebook, makikitang enjoy na kumakanta ang Presidente ng “You’ve lost that lovin’ feelin” kasama ang ilang mga senador.
Tinawag naman ni Senate President Juan Miguel Zubiri na ‘one of the coolest President’ si Marcos dahil sa pagiging game nito na makiisa sa kasiyahan.
Samantala, present din sa naturang selebrasyon sina First Lady Liza Marcos, Senators JV Ejercito, Ronald dela Rosa, Sherwin Gatchalian, Mark Villar, Grace Poe, Loren Legarda, Nancy Binay, Bong Revilla, Jinggoy Estrada, at Koko Pimentel.
