Halos nalusaw na ang bagyong Helen na kasalukuyan nang nasa China.
Gayunman, may bago na namang bagyo na binabantayan ngayon ng PAGASA.
Ito ay huling namataan sa layong 2,470 kilometers sa silangan ng Luzon.
Ayon kay PAGASA Weather Forecaster Obet Badrina, inaasahang papasok ito sa PAR o Philippine Area of Responsibility sa Sabado.
Sakaling tuluyang itong makapasok sa bansa, papangalanan ito bilang “Igme.”
Nilinaw naman ni Badrina na maliit ang tiyansang tumama sa kalupaan o mag-landfall ang nasabing bagyo.
By Jelbert Perdez
