Naisingit pa rin umano sa panukalang 2016 national budget ang panibagong DAP o Disbursement Acceleration Program.
Ito’y sa kabila ng paglilinaw ni Budget Secretary Florencio Abad na “pork-free” ang itinutulak na pambansang budget para sa susunod na taon.
Pero giit ni Kabataan Partylist Representative Terry Ridon, ang DAP-like provisions ay naisumite sa anyong savings sa P3-trillion proposed appropriations.
Pagbubunyag ni Ridon, ang mga probisyon ukol sa redefinition ng savings at augmentation na naisingit sa 2015 General Appropriations Act ay nakasaad pa rin sa 2016 budget proposal.
Sisimulan nang talakayin sa kongreso ang naturang panukala sa susunod na buwan.
By Jelbert Perdez
