Mahigpit na binabantayan ng PNP ang pansamantalang pagbubukas ng dolomite beach sa lungsod ng Maynila hanggang ngayong araw.
Ayon kay PNP Chief P/Gen. Guillermo Eleazar, inatasan na niya ang Manila Police District na magdagdag ng kanilang tauhan para tutukan ang pagpapatupad ng health and safety protocols kontra COVID-19.
Magugunitang nasibak sa puwesto ang Station Commander ng pulisya na nakasasakop sa lugar nuong isang taon dahil sa kabiguan nitong panatilihin ang physical distancing.
Para maiwasan ang overcrowding, bibigyan lamang ng limang minuto ang mga bibisita sa lugar basta’t nakasuot sila ng face mask, face shield at kailangang magkakalayo upang maiwasan ang hawaan ng virus.
