Higit 200 panukalang batas na ang naisusumite ng Kamara de Representantes sa loob ng 20 session days.
Ayon kay House Majority Leader Martin Romualdez, una sa listahan ng mga batas na kanilang tututukan sa pagbabalik ng sesyon ay ang proposed 2020 national budget.
Isasalang na ito kaagad sa ikatlo at huling pagbasa.
Gagawin naman lahat ng Kamara para masunod ang utos ni House Speaker Allan Peter Cayetano na aprubahan ang budget bago matapos ang taon.
