Interesado nang muli si Davao Cong. Paolo Duterte na tumakbo sa House Speakership.
Magugunita kasing una nang sinabi nito na wala siyang interes na maging house speaker.
Ngunit ayon kay Duterte, nagbago ang kaniyang isip nang makita niyang masigasig sa pagsusulong si Cong. Allan Peter Cayetano sa term sharing.
Dahil dito aniya ay posible siyang makatulong para mapag isa ang Kamara na ngayon aniya ay nahahati sa mga paksyon.
Dagdag pa ni Duterte, pare-pareho silang ibinoto ng mga tao kaya’t maaari na ring isama sa term sharing ang lahat ng grupo na kinabibilangan ng mga party-list groups.
