Magbabalik teleserye na ang aktor na si Piolo Pascual matapos ang tatlong taon.
Ito ang ibinahagi ni ABS-CBN Business Unit Head Deo Endrinal sa kanyang Instagram account.
Batay sa post ni Mr. Deo Edrinal, makakasama ni Papa P sa naturang teleserye sina Arci Muñoz bilang kanyang leading lady at ang aktor na si JC De Vera.
Pasok din sina Alesandra De Rossi at Empoy Marquez na nakilala bilang “Alempoy” matapos ang block buster movie na Kita Kita kung saan si Piolo ang isa sa producer.
Pag nagkataon ay magiging kauna-unahang TV series din ito ng Alempoy matapos ang pelikulang Kita Kita.
Sa kasalukuyan ay wala pang title ang nasabing teleserye at petsa kung kailan ito magsisimula.
