Nasa Macau ngayon ang Kapamilya star na si Piolo Pascual upang tumanggap ng isang international award.
Igagawad kay Piolo ang “10 Asian Star: Up Next” award ng Variety Magazine at International Film Festival and Awards Macau.
Aminado si Papa P noon pa niya pangarap na katawanin ang Pilipinas sa global market at ito ang pinaka – magandang paraan na dalhin ang pangalan ng bansa.
Nakatutuwa aniya na kahit 40 anyos na siya ay isa siya sa mga napiling rising star ng Asya.
Kasama ng aktor sa Macau ang kanyang ate at kaibigang si Direk Joyce Bernal.
Samantala, “excited” na si Piolo sa kanyang pagbabalik teleserye sa Kapamilya network kasama sina Alessandra de Rossi, Empoy Marquez, Arci Muñoz at JC De Vera.
Inaasahang ipalalabas sa Kapamilya network ang teleserye na “To Love Somebody” sa susunod na taon.
