Dapat nang tapusin ang pag-evaluate at pagrepaso sa mga pagkakalooban ng medal of honor at iba pang pagkilala sa mga nasawi at nakaligtas na SAF troopers sa Mamasapano incident.
Ito, ayon kay Senate President Pro-Tempore Ralph Recto, ay para maitakda na ang seremonya at nang sa gayon ay maibigay na ang mga naturang parangal dahil mismong si Pangulong Noynoy Aquino na ang kumilala sa kabayanihan ng SAF 44.
Giit ni Recto, makatutulong din ito para maibsan na ang sakit o sama ng loob ng mga pamilya ng mga nasawi.
Nanawagan din si Recto sa pamunuan ng MILF na bawiin na ang kanilang investigation report na nagsasabing hindi SAF ang nakapatay sa teroristang si Marwan dahil malinaw umanong wala itong basehan.
By Jelbert Perdez | Cely Bueno (Patrol 19)